نتعرف أولاً علي موقع لينكد إن
هو شبكة تواصل اجتماعي من ضمن عالم التواصل الإجتماعي الكبير والموجه نحو الأعمال والمهنيين. والشائع بين الأفراد الذين يبحثون عن عمل ويسعون لبناء شبكات التواصل لديهم للوصول إلى أصحاب العمل. وهومعروف أيضا كوسيلة تسويق لعمل ما لأن أصحاب العمل يتفاعلون مع المهتمين بخدماتهم عن طريق الإجابة عن اسئلتهم والمشاركة في نقاشاتهم وغيرها بإمكان اصحاب الاعمال الاعلان عن وظيفة ما من خلال اللينكد ان والوصول الى اكبر عدد من الباحثين عن العمل
ومن خلال النقاط التالية يمكن أن تدرك أهمية الموقع
1- لازم تخلى الـProfile photo صورة شخصية ليك مبينة وشك، وياريت تكون
formal شوية، فرصة إن حد يفتح الـAccount بتزيد 14 ضعف لو كنت حاطط صورة شخصية ليك.
2- العنوان الرئيسى اللى تحت إسمك لازم يكون مُلفت للنظر، هتلخص شخصيتك وخبرتك فى جملة.
3-. ضيف للأكونت بتاعك الـIndustry اللي انت شغال فيها.
4- فى الـContact حط الـPersonal E-mail بتاعك، وحط رقم موبايلك كمان عشان أى حد يقدر يوصلك بسهولة.
5- بالنسبة للـSummery، لازم تهتم بيه جدًا لإنه من أهم الحاجات اللى بتجذب أى حد بيدور على موظف، لازم تكتب فيه نبذة مُختصرة عنك، ويكون فيها Keywords عشان الناس توصلك لما تعمل Search عنها، وضيف الـCV بتاعك في الـSummery ، وكمان اكتب الـContacts بتاعتك عشان تسهل على الناس الوصول ليك
6- بالنسبة للـExperience، بتكتب هنا كل التفاصيل اللى تخص خبرتك فى المجال بتاعك، وكمان الشركات اللى اشتغلت فيها قبل كدة، ونبذة عن وظيفتك فى كل شركة. اكتب تفاصيل عشان اللي بيقرأ يفهم.
7- حاول تشترك فى الـGroups اللى تخص مجالك، ويكون ليك نشاط عليها عشان ده بيفرق جدًا فى الـSearch.
8- بالنسبة للـ الكونكشن، الأسطورة بتقول ان الـكونكشن يتقسموا لـ3 أجزاء، الجزء الأول يكون فيه ناس من مجالك وده بيكون 60%
من الكونيكشن والجزء التاني يكون فيه موظفي الـإتش أر في الشركات اللي بتشتغل في مجالك واللي انت بتحاول تشتغل فيها ودهبيكون 30%، أما الجزء التالت فبيكون ناس من برة مجالك اصلًا (اللى هم قريبين من مجالك)، ودول بتضيفهم عشان تكبر شبكة علاقاتك، والجزء ده بيكون الـ20% الباقيين.
9 - عدد الكونيكشن للي عندك شيء مهم جدًا في تقييم الأكونت بتاعك، وفيه كذا حاجة تقدر تعملهم عشان تكبر الشبكة بتاعتك:
- تقدر تضيف الناس اللي درست في نفس الكلية اللي انت درست فيها عن طريق Tab في الموقع اسمه Find Alumni بيطلعلك كل الناس اللي درسوا معاك.
- انشر الاكونت بتاعك علي اكونت فيسبوك وتويتر وأي شبكة تانية انت مشترك فيها.
- الموقع كمان بيوفرلك امكانية انك تضيف الناس اللي عندك ع الميل.
- شارك في الجروبات اللي انت مشترك فيها، اكتب Posts وعلّق علي موضوعات الناس، الناس هتاخد بالها انك موجود.
10- في جزء في الاكونت عن المهارات بتاعتك ، او المهارات اللي انت شافها في نفسك. في الجزء شوف انت بتعرف تعمل ايه وحطه، بس بلاش تبقى Over عشان الحاجات دي بتبان.
11- لو خدت كورسات قبل كدة ضيفها في الاكونت في الجزء الخاص بيها.
12- لو عندك خبراتك تطوعية ضيفها في الأكونت، في شركات كتير تهتم بالموضوع ده.
13- خليك محدد و انت بتضيف درجتك العلمية
14- في جزء في الأكونت اسمه Recommendations، تقدر بكل شياكة كدة تطلب من زمايلك ومديرينك اللي اشتغلت معاهم يعملولك Recommend،
15- أخيرًا، لينكدان مش زي فيسبوك، فمفيش داعي لعمل بوست هزار مثلاً والجو بتاع فيسبوك ده، خليك Professional.
لا يوجد تعليقات
أضف تعليق